15 май 14:17
Янгиликлар

Теннис

Рим "Мастерс". Амалдаги чемпион 1/4 финалдаёқ ракеткасини ғилофига солди

Италиянинг Рим шаҳрида давом этаётган теннис бўйича "Мастерс" сериясига кирувчи нуфузли турнирда 1/2 финалчилар аниқланди.

Мусобақанинг амалдаги чемпиони Александр Зверев чорак финалдаёқ юришини тўхтатди. Дунёнинг иккинчи ракеткаси бўлиб турган Зверев 1/4 финалда рейтингнинг тўққизинчи поғонасида жой олган италиялик Лоренцо Музеттига 6/7(1), 4/6 ҳисобида имкониятни бой бериб қўйди.

Лоренцо теннисчиларнинг ўзаро учрашувларида олдинда бормоқда - 3:1. Икки соату 16 дақиқа давом этган баҳсда Зверев 3, Музетти 2 та эйс зарбасини амалга оширган. Брейклар бўйича устунлик худди шу ҳисоб кўринишида италиялик фойдасига ҳал бўлди.