15 май 13:14
Янгиликлар

Теннис

Рим "Мастерс". Медведев муваффақиятли старт олди

Дунёнинг учинчи ракеткаси Даниил Медведев Рим "Мастерс" турниридаги илк учрашувини ўтказди.

Баҳсларга иккинчи даврадан қўшилган россиялик теннисчи ATP рейтингида 43-поғонада бораётган финляндиялик Эмил Руусувуоридан устун келди - 6/4, 6/2. Бу теннисчиларнинг ўзаро ўтказган иккинчи учрашуви эди - 2:0. Давомийлиги 1 дақиқаси кам 1 ярим соат бўлган баҳсда Медведев 6 та эйс, 2 та қўшхато ва 5 та брейк қайд этди.

Энди Даниил Internazionali BNL d'Italia турнирининг 1/16 финалида испаниялик Бернабе Сапата Миральесга қарши кортга чиқади. У ўз ўрнида австралиялик Жейсон Каблерни 6/4, 6/1 ҳисобида мағлубиятга учратди.