14 май 14:51
Янгиликлар

Теннис

Рим WTA 1000. Пейтон Стёрнс Элина Свитолинани таслим этди

Дунёнинг 14-ракеткаси Элина Свитолина бироз кутилмаганда нуфузли Рим турнирининг 1/4 финалида ўз юришини тўхтатди.

Укрианалик теннис маликаси WTA рейтингида 42-поғонада бораётган америкалик Пейтон Стёрнсга 2/6, 6/4, 6/7(4) ҳисобида имкониятни бой бериб қўйди. Бу теннисчиларнинг ўзаро ўтказган илк учрашуви бўлди.

Икки соату 36 дақиқа давом этган баҳсда Стёрнс эйс зарбасини амалга ошира олмади. Свитолинада бу кўрсаткич 3 тани ташкил қилди. Қўшхатолар америкалик теннисчида кўпроқ бўлди - 8 га 4. Брейклар бўйича эса Пейтон кичик устунликка эга бўлди - 8 га 7. Энди у 1/2 финалда италиялик Жасмине Паолинига қарши кортга чиқади.