Ring IV: Night of the Champions иштирокчилари тарозидан ўтиб олди

Бокс оқшоми иштирокчилари расмий вазн ўлчаш маросимидан ўтишди. Кечанинг марказий жангида мағлубият ва муроса нималигини билмай келаётган 28 ёшли Дэвид Бенавидес (30-0, 24КО) 34 ёшли Энтони Ярдга (27-3, 24КО) қарши яримоғир вазн тоифасида WBC чемпионлик камарини ҳимоя қилади. Бенавидес тарозида роппа-роса 79 кг кўрсатган бўлса, Ярд ундан бироз енгилроқ чиқди - 78,9.

Иккинчи муҳим жангда яна бир мағлубиятсиз боксчи, 24 ёшли яримўрта вазн тоифасида WBO чемпиони кичик Брайан Норман (28-0, 22КО) 27 ёшли енгил ва биринчи яримўрта вазнда собиқ чемпион Дэвин Хейни (32-0, 15КО) билан тўқнаш келади. Норманнинг вазни 66,3 кг тос босган бўлса, Хейни фаолиятидаги энг оғир вазн - 66,5 кг билан рингга чиқади.

Ring IV: Night of the Champions. Қолган жуфтликларнинг торози натижалари:

Биринчи ўта енгил вазнда WBA, WBC ва IBF камарлари учун:

Жесси Родригес (22–0, 15КО) — 52 кг

Фернандо Мартинес (18–0, 9КО) — 51,3 кг

Енгил вазнда вакант бўлиб турган WBO камари учун:

Абдулла Мейсон (19–0, 17КО) — 60,8 кг

Сэм Ноукс (17–0, 15КО) — 61,19 кг