11 май 10:19
Янгиликлар

Бокс/ММА

Рингга қайтган Холифилд илк рақиби ҳақида гапирди, Эвандер бу боксчидан икки бор енгилган

Супероғир вазнда собиқ мутлақ жаҳон чемпиони Эвандер Холифилд фаолиятини қайта тиклаш истагида эканини маълум қилган эди.

Холифилд илк кўргазмали жангини яна бир афсона Риддик Боуга қарши ўтказиш учун ҳаракат қилади.

"Музокараларни менежерим олиб боряпти. У Майк Тайсон билан ҳам гаплашди. Шахсан ўзим жон деб Риддик Боуга қарши рингга кўтарилган бўлардим", - деди Холифилд.

Эслатиб ўтамиз, Холифилд ва Боу 1992, 1993 ва 1995 йилларда уч маротаба тўқнаш келишган. Жангларнинг иккитасида Риддик, яна бирида Эвандер ғалаба қозонган. Америкалик 57 ёшли Холифилд тўртинчи жангда мувозанатни тиклаб қўймоқчи.