Рио Олимпиадаси бошланишига 50 кун қолди!

Айни пайтда ушбу ўйинлардаги умумий йўлланмаларимиз сони 96 тани ташкил этади.

68 нафар спортчимиз катта мусобақада иштирок этишса, 28 нафари параолимпия ўйинларида юртимиз шарафини ҳимоя қиладилар.

Ҳали олдингда енгил атлетика ва сузишдан лицензион ўйинлар бор. Ушбу турнирларда ҳам спортчиларимиз Рио ўйинларига йўлланмаларни қўлга киритишларига ишонамиз.

Таъкидлаб ўтиш лозимки, айни пайтда сўнгги иккита олимпиададаги натижалар яхшиланди. Лондон-2012да 53, Пекин-2008да 58 нафар спортчи юртимиз шарафини ҳимоя қилган эди.

Бу борада терма жамоамиз энг яхши натижани 1996 ва 2000 йилларда қайд этган. 1996 йилда 76 нафар спортчимиз мусобақаларда иштирок этган. Шунингдек, Сидней-2000 олимпиадасида ҳам 76 нафар спортчимиз Ўзбекистон шарафини ҳимоя қилган. Агар Риога яна иккита йўлланмани қўлга киритсак, бу натижа иккинчи ўринга кўтарилади. Афина-2004да спортчиларимиз сони 69 нафар бўлган.