11 мар 12:40
Янгиликлар

Бокс/ММА

Рио Олимпиадаси чемпиони Шаҳобиддин Зоиров Мексикада камар учун жанг қилади (Постер)

6 апрель куни Мексиканинг Агуаскальентес шаҳрида бокс бўйича "IBA Чемпионлар оқшоми" ўтказилади.

Аҳамиятлиси, турнир доирасида Рио-2016 Олимпия ўйинлари ғолиби Шаҳобиддин Зоиров ҳам рингга кўтарилади.

Ҳамюртимиз оқшом доирасида энг енгил вазнда IBA чемпионлик камари учун жанг қилади. Унга бу йўлда Мексика вакили Исраэль Гонсалес рақиблик қилади.

Қайд этиш жоиз, Гонсалес ўзининг профессионал фаолияти давомида 34 та жанг ўтказиб, 28 ғалаба, 5 мағлубият ва 2 дуранг қайд этган. У фаолиятида тўрт бор Жаҳон чемпионлиги учун рингга чиққан ва барчасида мағлуб бўлган.