05 июл 09:50
Янгиликлар

Спорт курашлари

Рио Олимпиадаси совриндори Ихтиёр Наврўзовни табриклаймиз!

Бугун таниқли эркин курашчимиз, Рио-2016 Олимпия ўйинларининг бронза медали совриндори Ихтиёр Наврўзов ўз таваллуд айёмини нишонламоқда.

Ихтиёр Наврўзов 1989 йил 5 июль куни Бухорода туғилган. У фаолияти давомида Осиё чемпионати ва Осиё ўйинлари, жаҳон чемпионатида бир неча бор шоҳсупага кўтарилган. Айниқса, 2016 йил Рио Олимпиадасида -65 кг вазн тоифасида бронза медали учун кечган баҳсда қўлга киритган ажойиб ғалабаси ҳам алоҳида аҳамият касб этади.

Ушбу муваффақиятлари эвазига «Ўзбекистон Республикасида хизмат кўрсатган спортчи» фахрий унвони билан тақдирланган. Наврўзовни бугунги таваллуд куни билан табриклаб, унга узоқ умр, сиҳат-саломатлик тилаймиз.