29 окт 19:17
Янгиликлар

Теннис

Роберто Баутиста-Агут Базелда 1/2 финалга чиқди

Швейцарияниг Базель шаҳрида ўтказилаётган теннис турнири ўзининг қизғин палласига кирди.

Дунёнинг 22-ракеткаси бўлиб турган испаниялик Роберто Баутиста-Агут 1/4 финалда ATP рейтингида 194-поғонада бораётган швейцариялик Стэн Вавринкани қийинчилик билан мағлуб этди - 7/5, 7/6(5).

Теннисчиларнинг ўзаро учинчи учрашувида Роберто иккинчи ғалабани тантана қилди. Икки соату 9 дақиқа давом этган баҳсда Баутиста-Агут 2, Вавринка эса 6 та эйс зарбасини амалга оширган. Иккинчи сетнинг тай-брейкида Баутиста-Агут 3:5 ҳисобидаги мағлубиятни ғалабага айлантира олди.