04 июн 15:25
Янгиликлар

Теннис

"Ролан Гаррос". 17 ёшли Мирра Андреева 1/4 финалда

WTA рейтингида 38-ўринни эгаллаб турган россиялик Мирра Андреева "Катта Дубулға" туркумига кирувчи "Ролан Гаррос" турнирининг 1/4 финал иштирокчисига айланди.

Россиялик иқтидор эгаси 1/8 финалда рейтингнинг 88-поғонасидан жой олган франциялик Варвара Грачёвадан устун келди - 7/5, 6/2. Бу теннисчиларнинг ўзаро ўтказган илк учрашуви эди.

Тўқсон икки дақиқалик баҳсда Андреева 5 та эйс, 5 та брейкка эришиб, 3 та қўшхатога йўл қўйди. Энди Андреева "Ролан Гаррос" 1/2 финал чиптаси учун дунёнинг иккинчи ракеткаси, беларуслик Арина Соболенкога қарши кортга чиқади.