11 июн 15:29
Янгиликлар

Теннис

"Ролан Гаррос". Жуфтлик турнирида ғолиблар аниқланди

Париж шаҳрида якунига етиб бораётган "Катта Дубулға" туркумига кирувчи "Ролан Гаррос" турнирининг эркаклар ўртасидаги жуфтлик баҳсларида ғолиблар маълум бўлди.

Хорватиялик Иван Додиг ва америкалик Остин Крайчек "Ролан Гаррос" чемпионига айланишди. Улар ҳал қилувчи финал учрашувида бельгияликлар - Сандер Жилл ва Йоран Флиген ҳамкорлигидан 6/3, 6/1 ҳисобида устун келишди.

Саксон дақиқа давом этган финал баҳсида Додиг/Крайчек ҳам, Жилле/Флиген ҳам 2 тадан эйс зарбани амалга ошириб, 2 тадан қўшхатога йўл қўйишди. Брейклар 4 га 0 кўринишида бўлди, табиийки, чемпионлар фойдасига. Додиг ва Крайчек "Ролан Гаррос"даги муваффақиятли иштирокларидан 2000 рейтинг очкоси ҳамда 590,000 евро мукофот пулига эга бўлди.