09 окт 11:24
Янгиликлар

Теннис

"Ролан Гаррос". София Кенин иккинчи финалчи!

"Катта Дубулға" туркумига кирувчи "Ролан Гаррос" турнирининг аёллар ўртасидаги баҳсларида иккинчи финалчи ҳам маълум бўлди.

Сайёрамизнинг олтинчи ракеткаси София Кенин ярим финал учрашувида WTA рейтингида 11-поғонадан жой олган чехиялик Петра Квитовани 6/4, 7/5 ҳисобларида мағлуб этиб, "Ролан Гаррос" финалига йўл олди.

Бир соату 45 дақиқа давом этган учрашувда америкалик 21 ёшли теннис маликаси 3 та, 30 яшар Квитова эса 2 та эйс зарбасини амалга оширди. Бундан аввалги ўзаро иккита учрашувда Петранинг қўли баланд келган эди. Кенинг бош соврин учун баҳсда польшалик Ига Свёнтекка қарши кортга чиқади.