Roland Garros саралаш босқичи бошланди. Нигина Абдураимова эртага кортга чиқади

Умумий мукофот жамғармаси 49 миллион 600 минг еврони ташкил этувчи ушбу нуфузли мусобақанинг саралаш баҳсларида ҳамюртимиз Нигина Абдураимова ҳам ўз имкониятини синовдан ўтказади. 

Қуръа натижасига кўра мамлакатимизнинг биринчи ракеткаси биринчи даврада словениялик Тамара Зиданшекка қарши кортга чиқади. Абдураимова - Зиданшек учрашуви эртага бизнинг вақт билан соат 13:00да бошланади. Ушбу учрашув ғолиби иккинчи босқичда Жоан Цугер (Швейцария) - Анастасия Захарова (Россия) баҳси ғолибаси билан тўқнаш келади.

Эътиборлиси, 26 ёшли Тамара 2021 йилги "Ролан Гаррос" турнирининг яккалик баҳсларида 1/2 финалга қадар етиб бориб, катта шов-шув сабабчисига айланган эди. Айни пайтда у WTA рейтингида 110, Абдураимова эса 176-ўринни эгаллаб турибди.   

Маълумот учун, теннисчилар саралашнинг биринчи босқичида ютқазган тақдирларида ҳам 16 минг евролик бўладилар. Чемпион эса банкдаги ҳисоб рақамини 2 миллион 300 минг еврга бойитиб олади.