Роналдо Неймарга психологга кўринишни маслаҳат берди

"Мен бу босимга қарши туриш учун психологик ёрдами олинишини маслаҳат бераман – бир киши учун бу жуда кўп. Неймар иштиёқ ва худди шундай истак билан қайтади. Лекин шуни такидламоқчиманки, футболчиларимизнинг руҳий саломатлигини кузатиб бориш керак. Биз учун бу масалани ҳал қилиш жуда муҳим, айниқса, бутун дунё терма жамоани кузатаётган Жаҳон чемпионатига келганда. Бутун дунё Неймарга қараб турди.

Психологик жиҳатдан ёмон ҳолатдалигини айтган интервьюсини кўрганимда юрагим эзилди. Мен унга қандай ёрдам бериш ҳақида ўйладим. Ҳозир бунинг иложи бор, бизнинг вақтимизда бу ҳақда кўп ҳам гапирилмаган. У ўз фаолиятида қилган ҳар бир нарсани қадрлаши лозим. 

Нима бўлса бўлди. Буни Неймар билади. Албатта, ҳамма Жаҳон чемпионатида ғалаба қозонишни хоҳлайди, лекин бу осон эмаслигини ҳамма тушунади. Бизда бешта унвон бор ва биз энг катта ғолибмиз", – деди Роналдо.

Эслатиб ўтамиз, "пентакампеонлар" чорак финалда Хорватияга пенальтилар сериясига кўра мағлуб бўлиб, мусобақадан чиқиб кетган эди.