05 апр 11:04
Янгиликлар

Футбол

Роналду 2018 йилдан бери биринчи марта кетма-кет учта ўйинда дубль қайд этди

Саудия Арабистони Премьер-лигасининг 22-туридан ўрин олган «Ал Адала» — «Ал Насср» учрашувида меҳмонлар йирик 5:0 ҳисобида ғалаба қозонишди.

Учрашувда Криштиану Роналду дубль қайд этди ва қаторасига учинчи ўйинда иккита гол урмоқда. Роналду аввалги иккита ўйнида Люксембург ва Лихтенштейн терма жамоаларига қарши учрашувда ҳам дубль қайд этганди.

Бундай серия Роналдуда сўнгги бор 2018 йилда “Реал Мадрид”да ўйнаб юрган пайтларида содир бўлганди. Ўшанда у “Эйбар”, “Жирона” ва Мисрга қарши ўйинда дубль қайд этишга эришган.