23 июн 16:09
Янгиликлар

Футбол

Роналду А Серия тарихида энг кўп гол урган португалиялик футболчига айланди

Италия А Сериясининг 27-тури доирасида "Ювентус" клуби "Болонья" жамоасини 2:0 ҳисобида мағлуб этди.

Туринликлар ҳужумчиси Криштиану Роналду 23-дақиқада пенальтини аниқ ижро этди ва ўз ҳисобига гол ёзиб қўйди.

Бу "Ювентус" форварди учун Италиядаги фаолияти давомида урилган 43-гол бўлди ва бу кўрсаткич билан у А Серияда ҳаракат қилган португалиялик футболчилар орасида энг яхши натижа қайд этди.

Эслатиб ўтамиз, бунгача энг яхши кўрсаткич Мануэль Руй Кошта (42 та гол)га тегишли эди.