Россиялик икки аралаш яккакураш устаси UFC жангчисига айланди

Ўз жангларида ғалаба қозонган россияликлар Магомед Зайнуков ва Марк Вологдин ҳам дунёнинг энг кучли лигаси ҳисобланган UFC`дан шартнома олиш бахтига муяссар бўлишди. Енгил вазн тоифаси вакили бўлган 30 ёшли Зайнуков бразилиялик Лукас Калдасни ҳакамларнинг якдил қарори (30-26, 30-26, 30-26) билан мағлубиятга учратди. 

Қизиғи шундаки, иккинчи рус, ўта енгил вазндаги 25 яшар Вологдин эквадорлик Хуан Адриан Луна Мартинеттига имкониятни бой берган бўлса-да, якунда Дана Уайт ҳар икки жангчига ҳам шартнома тақдим этди. Жанг ҳақиқатан ҳам ўта муросасиз бўлганидан Дана ҳар икки спортчига UFC шартномасини берди. 

Қолаверса, Марк Вологдин ҳам, Адриан Луна ҳам UFC томонидан 25 000 долларлик бонусга ҳам эга чиқишди. Шунингдек, Иманол Родригес, Луис Фелипе Диас ва Люк Фернандес ҳам UFC жангчиларига айланишди.