18 фев 10:57
Янгиликлар

Теннис

Роттердам (АТР). Федерер финалда ўйнайди

Голландиянинг Роттердам шаҳрида ўтказилаётган нуфузли теннис турнири ўзининг якуний палласига кирди.

Соврин жамғармаси 1 996 245 еврони ташкил қилувчи ушбу мусобақанинг биринчи ракеткаси Рожер Федерер финал чиптасини қўлга киритди. Швейцариялик ракетка устаси ярим финалда италиялик Андреас Сеппини 6:3, 7:6(3) ҳисобида таслим этди.

Бир соату 24 дақиқа давом этган баҳсда Федерер 9та эйс зарбасини амалга оширди. Рожернинг финал учрашувидаги рақиби болгариялик Григор Димитров бўлади. Эртага эълон қилинадиган рейтингда Федерер дунёнинг биринчи ракеткасига айланади.