04 ноя 16:02
Янгиликлар

Теннис

Рублёв Париж "Мастерс"даги иштирокини якунлади

Дунёнинг тўққизинчи ракеткаси бўлиб турган Андрей Рублёв учун Париж "Мастерс" турнири якунига етди.

Россиялик теннисчи ATP рейтингида 18-поғонада бораётган даниялик Хольгер Рунега 4/6, 5/7 ҳисобида имкониятни бой бериб қўйди. Бу теннисчиларнинг ўзаро ўтказган илк учрашуви эди.

Бир дақиқаси кам бир ярим соат давом этган баҳсда Рублёв 9, Руне 7 та эйс зарбасини амалга оширган. Хольгер фаолиятида илк бор "Мастерс" турнирларининг 1/4 финалига чиқди ва бу босқичда дунёнинг биринчи ракеткаси, испаниялик Карлос Алькаразга қарши кортга чиқади.