29 апр 11:41
Янгиликлар

Бокс/ММА

Рус Рондаси UFC`даги дебют жангида вазн қила олмади

Бизнинг вақт билан эртага тонг саҳарда АҚШнинг Лас-Вегас шаҳрида навбатдаги UFC турнири бўлиб ўтади.

UFC Fight Night 223 оқшомининг марказий жанги енгил вазн тоифасида Рики Симон ҳамда Ядонг Сонг ўртасида ўтказилади. Кеча тунда турнир иштирокчилари тарозидан ўтиш маросимида ҳозир бўлишди.

Дунёнинг энг кучли промоушенида дебют қиладиган россиялик Ирина Алексеева белгиланган вазн меъёрини бажара олмаган икки жангчидан бири бўлди. Рус Рондаси номи билан танилган Ирина белгиланган вазндан 4 фунт (1.8 кг) ортиқча вазнга эга экани ойдинлашди.

Америкалик Хейли Коуэн эса бир ярим фунт (680 г) ортиқча вазн қайд этди. Энди иккала жангчи ҳам кафолатланган гонорарларидан маълум бир қисмини рақибаларига беришади.