17 июн 10:57
Янгиликлар

Оғир атлетика

Руслан Нуриддинов: "Оғир атлетикани Олимпиададан олиб ташлаш? Бу биринчи маротаба бўлаётган гап эмас!"

Бундан бир неча куни олдин Халқаро Олимпия қўмитаси Президенти Томас Бах оғир атлетикани Олимпия ўйинлари дастуридан чиқариб ташлаш билан таҳдид қилганди.

Рио Олимпиадаси чемпиони Руслан Нуриддинов Бахнинг ушбу баёнотига ўз муносабатини билдириб ўтди.

"Бу биринчи маротаба эмас. Умид қиламанки, охирги маротаба ҳам эмас. Чунки, спортнинг ушбу тури Олимпиадада азалдан бор. Агар оғир атлетика Олимпиададан чиқиб кетадиган бўлса, жуда нотўғри бўлади.

Аввалроқ, курашни ҳам Олимпиададан чиқариб ташаланди деган гап пайдо бўлганди. Аниқки, мухлислар бунга қарши бўладилар.

Бах бундай гапларни иккинчи ёки учинчи маротаба айтмоқда.

Лекин, тан олиш керакки, оғир атлетика ҳам, кураш ҳам кўп мухлисларини йўқотган. Бутун дунё фақат футбол билан яшай олмайди. Тўғри, футболни барча севади. Аммо, бошқа спорт турлари ҳам бор", - дейди Олимпиада чемпиони Руслан Нуриддинов.