27 авг 09:06
Янгиликлар

Оғир атлетика, Осиё ўйинлари

Руслан Нуриддинов: "Таваккал қилмадим, чунки олдинда жаҳон чемпионати бор"

Осиё ўйинларининг рекордини янгилаш эвазига олтин медални қўлга киритган оғир атлетикачимиз Руслан Нуриддинов кечаги баҳсдан сўнг сайтимизга қисқача интервью берди.

Рио Олимпиадаси чемпиони ва рекордчиси кучли учликдан жой олган Ироқ ва Эрон вакилларини катта устунлик эвазига мағлуб этганди. Руслан хатто сўнгги имкониятдан фойдаланиб, ўзи ўрнатган Осиё ўйинлари рекордини янгилаши мумкин эди. Лекин у бундай қилмади.

- Олдинда жаҳон чемпионати кутиб турибди. Ашхободда ўтадиган мусобақа бошланишига икки ойдан камроқ вақт қолди. Шу боисдан ҳам таваккал қилмасликни афзал билдим. Рекордни жаҳон чемпионатида ҳам янгилаш мумкин, - деди Нуриддинов.