"Rustam Khasimdjanov Cup 2024" халқаро турнирида 5-тур ортда қолди

Кеча мусобақанинг илк куни гроссмейстерлар 5 та партияда муносабатларига ойдинлик киритиб олишди. Кечаги куннинг сўнгги 5-турида биринчи рақамли шахматчимиз Нодирбек Абдусатторов оқ доналарда яна бир иқтидорли гроссмейстеримиз Нодирбек Якуббоевни мағлубиятга учратди. 

Турнир мезбони Рустам Қосимжонов ҳам оқ доналарда ўйнаб, руминиялик Ричард Раппортни таслим этди. Жавоҳир Синдаров оқ доналарда эронлик таниқли гроссмейстер Парҳам Мақсудлу билан муросага келди. Шунга қарамай, Жавоҳир 4 очко билан турнир жадвалида якка пешқадам бўлиб турибди. Нодирбек Абдусатторов ва Рустам Қосимжонов 3,5 очко билан кучли учликка якун ясаган.    

Мусобақа иштирокчилари: Нодирбек Абдусатторов (Ўзбекистон), Жавоҳир Синдаров (Ўзбекистон), Нодирбек Якуббоев (Ўзбекистон), Шамсиддин Воҳидов (Ўзбекистон), Жаҳонгир Ваҳидов (Ўзбекистон), Рустам Қосимжонов (Ўзбекистон), Парҳам Мақсудлу (Эрон), Шаҳрияр Мамедяров (Озарбайжон), Александр Гришук (Россия), Ричард Раппорт (Бельгия)