Сабина Шарипова: "Бу мен учун учинчи Осиё ўйинлари, унда чемпион бўлишни хоҳлайман"

Эртага яккалик, жуфтлик ҳамда микс, яъни аралаш жуфтлик баҳсларига қуръа ташлаш маросими бўлиб ўтади. Якшанба кунидан эътиборан эса теннис мусобақасига старт берилади. Айни дақиқаларда теннисчиларимиз бугунга белгиланган иккинчи машғулотни ўтказишяпти. 

Биз мамлакатимизнинг биринчи ракеткаси Сабина Шариповадан интервью олдик. Бу Шарипова учун учинчи Осиё ўйинлари бўлади. 

"Ўзим учун учинчи Осиё ўйинларида чемпион бўлишни истайман. Бунинг учун астойдил ҳаракат қиламан. Жамоамизнинг умумий ғалабасига хисса қўшмоқчиман. Рақибларимиз ҳам анойи эмас. Улар ҳам Палембангга ғалаба иштиёқида келишган. 

Шароитларга тўхталадиган бўлсам, бу борада ҳеч қандай муаммога дуч келмаяпмиз. Ҳамма нарса спортчилар учун. Фақат ҳаво ҳарорати бироз баланд, аниқроғи намлик юқори. Аммо, бу биз учун баҳона бўла олмайди", - деди С. Шарипова.

Камолиддин АЛИМОВ суҳбатлашди (Палембанг, Индонезия)

Суратлар муаллифи - Абдулло Файзуллаев