Сабина Шарипова жуфтликда бош соврин учун кортга чиқади

Хабар берганимиздек, мусобақада муваффақиятли одимлаётган теннисчимиз Сабина Шарипова яккаликда ярим финал йўлланмасини қўлга киритганди. У мезбон теннисчи Жибек Куламбаевадан 4/6, 6/1, 6/1 ҳисобларида мағлуб этган эди. 

Энди ҳамюртимиз финал йўлланмаси учун кечадиган баҳсда россиялик Анастасия Тихоновага қарши кортга чиқади. Шарипова WТА рейтингида 377, Тихонова эса 700-ўринни эгаллаб турибди.

Шунингдек, бироз аввал Сабина ушбу турнирнинг жуфтлик баҳсларида ҳам учрашув ўтказди. Россиялик Екатерина Казионова билан жуфтлик ҳосил қилган теннисчимиз финал йўлланмаси учун мезбон тенисчилар - Гозал Айнитдинова/ Жибек Куламбаева ҳамкорлигига қарши кортга чиқди ва 6/2, 7/6, 10/7 ҳисобларида ғалаба қозонди.    

Эртага турнирнинг жуфтлик баҳсларида бош соврин эгалари аниқланади. Финал баҳсида Шарипова/ Казионова тандеми россияликлар Ноэл Саиденова/ Даря Мишина жуфтлигига қарши баҳс олиб боради.