Сафина Садуллаева Котбусда шоҳсупага кўтарилди

Биз учун аҳамиятлиси, мусобақанинг баландликка сакраш секторида ҳамюртимиз Сафина Садуллаева медаллар учун баҳс олиб борди. Париж-2024 Олимпиадаси иштирокчиси 1,88 метр натижа билан бронза медалини қўлга киритди. 

Аламлиси, италиялик Идеа Пьерони ҳам 1,88 метр баландликни забт этиб кумуш медалга сазовор бўлди. Фақат фарқи Сафина учинчи, Идеа эса биринчи уринишдаёқ бу баландликни ўзига бўйсундирган. Шунга ўхшаш ҳолат Париж-2024 Олиимпиадасида ҳам содир бўлганди. Ўшанда Сафина Олимпия ўйинлари бронза медалини қўлга киритган украиналик атлет билан бир хил натижа кўрсатиб, совриндорлар сафидан четда қолиб кетганди.  

Котбус турнирида чемпионлик кутилганидек Кристина Хонселга насиб қилди. Германиялик спортчи 1,91 метр натижа кўрсатган. Ўтган йили Садуллаева "International Jump Meeting Cottbus" турнирида 1,86 метр кўрсаткич билан бронза медалига эга чиққан эди.