20 дек 16:06
Янгиликлар

Теннис

Саидаъло муросасиз баҳсда ярим финал чиптасини қўлга киритди

Покистон пойтахти Исломобод шаҳри мезбонлик қилаётган теннис бўйича “Фьючерс” туркумига кирувчи турнир ўзининг ҳал қилувчи палласига кирди.

Соврин жамғармаси 15 000 АҚШ долларини ташкил қилувчи ушбу мусобақада ҳамюртимиз Саидаъло Саидкаримов ҳам муваффақиятли тарзда иштирок этяпти. Ҳозиргина якунига етган чорак финал учрашувида Саидаъло яна бир иродали ғалабага эришди.

Истеъдодли теннисчимиз 1 соату 50 дақиқа давом этган чорак финал баҳсида Буюк Британия вакили Шамаэль Чаудхрини 6:4, 3:6, 6:2 ҳисобида мағлуб этиб, ярим финалга йўл олди. Энди у финал йўлланмаси учун турнирнинг учинчи ракеткаси, германиялик Кай Вехнелтга қарши кортга чиқади.