09 апр 17:05
Янгиликлар

Бокс/ММА

Саидёқуб Қаҳрамонов: "Шартнома имзоланди, мен яна "қафас"га қайтаман"

Ўзбекистонлик собиқ UFC жангчиси Саидёқуб Қаҳрамонов навбатдаги жанги учун шартномага имзо чекканини маълум қилди.

"Шартнома имзоланди ва мен 17 май куни яна "қафас"га қайтаман. Бу йил банд бўлишимдан хурсандман. Бу жангга ростдан ҳам тайёргарлик кўраман. Бироз мотивациям бор", деб ёзди Қаҳрамонов ўзининг X (Twitter)даги саҳифасида.

Аввал хабар берганимиздек, Қаҳрамонов 17 май куни АҚШнинг Мичиган штати, Флинт шаҳрида ташкил этиладиган WXC 97 (Warrior Xtreme Cagefighting) турнири доирасида америкалик UFC собиқ жангчиси Хосе Жонсонга қарши баҳс олиб боради.

Саидёқуб 28 март куни бир йиллик танаффусдан кейин ММА бўйича жангда иштирок этиб, XFC 52 турнири доирасида бразилиялик Бруно Сантосни мағлуб этганди. Самарқандлик спортчи 2021-2022 йиллар давомида UFC'да 3 та жанг ўтказиб, 2 ғалаба ва 1 мағлубият қайд этган. Унинг умумий рекорди 12 ғалаба ва 3 та мағлубиятдан иборат.

Қаҳрамонов билан тенгдош Хосе Жонсон эса UFC'да 2023-2025 йиллар оралиғида 4 та жанг ўтказиб, 1 та ғалаба ва 3 та мағлубиятни ўз ҳисобига ёздирган. Проф фаолиятини 2016 йилда бошлаган спортчи ҳозирга қадар умумий 16 та ғалаба ва 10 та мағлубиятни қайд этган.

Ҳавола :

Манба : x.com/SaidYokubMMA

Рейтинг: +1