Сакен Бибосинов WBA камари учун жанг ўтказади. Сана ва манзил маълум + Кард

Токио-2020 Олимпиадасининг бронза медали соҳиби ҳисобланган Бибосинов индонезиялик Сурия Дхармага (4-0, 3 КО) қарши 23 май куни жанг қилади. Жанг манзили ўзгаришсиз қолди - Бишкек (Қирғиз Республикаси), "Газпром" спорт мажмуаси. Бўлажак жанг вакант қолган WBA Asia камари учун кечади.

Аслида Бибосинов ва Дҳарма ўртасидаги жанг 17 апрель куни бўлиб ўтиши керак эди. Бироқ, кейинроқ Япония промоушени Яқин Шарқдаги можаро туфайли жангни белгиланган санада ўтказиш имконсизлигини эълон қилди. 

Шунингдек, Япония ҳукумати Қирғиз Республикаси ва Яқин Шарқнинг бошқа баъзи мамлакатларига саёҳат қилиш ҳақида огоҳлантириш даражасини оширгани учун жанг қолдирилганди.

Қозоғистонлик икки карра жаҳон чемпиони шу кунгача профессионал боксда иккита жанг ўтказган: 2025 йил 20 июлда Бишкекдаги бокс оқшомида филиппинлик Кристиан Легани биринчи раунддаёқ нокаутга учратган бўлса, 2025 йил 26 октябрда айнан Қирғиз Республикаси пойтахтида маҳаллий боксчи Адилет Качқинбековни ҳакамларнинг якдил қарори билан мағлуб этганди.