02 авг 11:31
Янгиликлар

Бокс/ММА

Сакен Полатов янги ташкил этилган Asian Boxing халқаро федерацияси вице-президентига айланди

Таиланднинг Бангкок шаҳрида Asian Boxing ташкилотининг раҳбарият таркиби тузилди.

Аҳамиятлиси, тадбир давомида Ўзбекистон бокс федерацияси раисининг биринчи ўринбосари, МОҚ раисининг собиқ ўринбосари Сакен Полатов Asian Boxing ташкилотиинг вице-президенти этиб сайланди.

Таиланд вакили Пичай Чунаважира ташкилот раҳбарлигида қолди.

Эслатиб ўтамиз, ўзбекистонлик функционер ўз вақтида IBA қаноти остидаги ASBC (Осиё бокс конфедерацияси)да ҳам вице-президент сифатида фаолият юритган.

Ўзбекистон бокс федерацияси ахборот хизмати Сакен Жетибаевичнинг мазкур лавозимга сайланиши ҳақида кейинроқ батафсил маълумот беришини хабар қилди.