Саккиз дзюдочимиз Осиё чемпионатининг финалида, уч нафари бронза учун татамига чиқади

Ушбу қитъа биринчилигида 16 давлатдан 169 нафар (96 ўсмир, 73 қиз) дзюдочи медаллар йўлида баҳсларга киришган. Улар қаторида Ўзбекистон ўсмирлар терма жамоасининг тўлиқ таркибдаги дзюдочилари ҳам бор.

Қувонарлиси, бугунги саралаш беллашувларидан сўнг 11 нафар дзюдочимиз қитъа чемпионатининг медаллари учун татамига чиқадиган бўлди. Саккиз дзюдочимиз финалда, уч нафари эса бронза медали учун баҳс олиб боради. 

Олтин медаль учун

-40 кг: Динара Ҳасанова 

-44 кг: Дилноза Ҳамитова

-52 кг: Нигина Умирзоқова

-50 кг: Хушнудбек Бурҳонов 

-55 кг: Муҳаммад Носиров

-60 кг: Баҳром Асадов

-60 кг:  Муҳаммад Машарипов

-66 кг: Умирзоқ Қурбонмуродов

Бронза медаль учун

-48 кг: Наргиз Дўстмаматова

-48 кг: Зуҳра Алимова 

-55 кг: Дилшод Каримов

Осиё чемпионатининг илк кунги финал дастури бизнинг вақт билан соат 12:00да бошланади.