Саккиз дзюдочимиз ёшлар ўртасидаги Осиё чемпионати медаллари учун татамига чиқади

Ушбу қитъа биринчилигида 17 давлатдан жами 165 (92 ўғил, 73 қиз) нафар дзюдочи медаллар учун баҳсларга киришди. Улар орасида тўлиқ (9 ўғил, 9 қиз) таркибдаги Ўзбекистон терма жамоаси аъзолари ҳам бор. Искандар Расулов, Камол Муродов, Диёрбек Ўразбоев, Нелли Киямова, Олимбой Олимов мураббийлигидаги дзюдочиларимиз ўз иштирокларини муваффақиятли бошлаб олишди.

Бугунги саралаш беллашувларидан сўнг 8 дзюдочимиз бироздан кейин бошланадиган финал дастурига йўлланма олди. Улардан 5 нафари Осиё чемпионлиги учун татамига чиқади. 

Финалда курашувчилар 

-48 кг: Лазиза Ҳайдарова 

-60 кг: Муродил Муродиллаев

-66 кг: Дилшодбек Ҳамроев

 -66 кг: Замоҳшари Бекмуродов

-73 кг: Ҳожиакбар Тошев

Бронза медали учин курашувчилар

-52 кг: Муҳайё Аҳматова

-57 кг: Деспина Бочкова 

-63 кг: Маржона Нуруллоева