07 окт 14:17
Янгиликлар

Дзюдо

Самариддин Мухибиддинов Жаҳон чемпионати совриндори!

Перу пойтахти Лима шаҳри мезбонлик қилаётган ёшлар ўртасидаги Жаҳон чемпионатининг иккинчи кунги баҳслари ҳам терма жамоамиз учун омадли келди.

Мусобақанинг ўғил болалар ўртасидаги -81 кг вазн тоифаси беллашувларида юртимиз шарафини ҳимоя қилган Самариддин Мухибиддинов бронза медалига сазовор бўлди. У учинчи ўрин учун кечган баҳсда нидерландиялик Жошуа Де Лонгни мағлубиятга учратди.

Шу тариқа, жаҳон чемпионатида шоҳсупага кўтарилган дзюдочиларимиз уч нафарга етди: Лазиза Ҳайдарова (-48 кг), Cамариддин Қўчқоров (-60 кг), Самариддин Мухибиддинов (-81 кг).

-81 кг вазн тоифаси ғолиб ва совриндорлари:

1. Акита Ҳару (Япония)

2. Ахмед Турлиев (IJF)

3. Михайло Симин (Сербия)

3. Самариддин МУХИБИДДИНОВ (ЎЗБЕКИСТОН)