17 авг 13:18
Янгиликлар

Дзюдо, Париж-2024

Самарқандда Диёра Келдиёровани тақдирлаш маросими ўтказилди + ФОТО

Париж-2024 Олимпиадаси ғолиб ҳамда совриндорларини ўзлари туғилиб ўсган шаҳар ва туманларда тантанали кутиб олиш, тақдирлаш маросимлари давом этмоқда.

Ана шундай тадбирлардан бири Самарқанд вилояти Пастдарғом тумани Жума шаҳарчасида бўлиб ўтди. Париж-2024 ёзги Олимпия ўйинлари ғолибаси Диёра Келдиёрова, унинг ота-онаси, мураббийлари олқишлар билан қарши олинди.

Тантанали маросимда Пастдарғом тумани ҳокимлиги, спорт мутасаддилари ҳозир бўлишди. Диёранинг хурсандчилигига шерик бўлиш мақсадида минглаб пастдарғомликлар тақдирлаш маросомига келишди.