Самбо бўйича Ўзбекистон чемпионатида спорт фахрийларига мукофот топширилди

Мусобақа вақтида спорт фахрийлари учун ўзига хос кичик тадбир ташкил этилди. 

Унда юртимизда спорт ривожига ўз ҳиссасини қўшаётган бир гуруҳ фахрийлар "Ўзбекистон спорти фахрийси" унвонлари билан тақдирланди. Тақдирлаш маросими Ўзбекистон спорт фахрийлари кенгаши раиси Баҳодир Махситов ва Ўзбекистон самбо ассоциацияси раиси Алишер Алимов томонидан ўтказилди. Уларга ушбу унвонлар ва эсдалик совғалари топширилди. 

Ўз навбатида фахрийлар кўрсатилган ушбу эҳтиромдан хурсанд эканликларини яшириб ўтиришмади. 

Ўзбекистон самбо ассоциацияси матбуот хизмати