Самбо мутахассислари учун антидопинг мавзусида онлайн семинар ташкил этилди

Унда Ўзбекистон Миллий антидопинг агентлиги вакиласи Шахноза Ҳамидова Ўзбекистон самбо ассоциацияси раиси Алишер Алимов бошчилигидаги мутасаддиларга, шунингдек мураббий ва спортчилар учун маъруза қилиб берди. 

Онлайн йиғилиш бошида мутахассис спортда юзага келадиган касалликлар, касалликларнинг олдини олиш, спортчининг тикланиши ҳақида ўз тавсияларини берди. 

Сўнгра, антидопинг қоидалари, допингдан фойдаланишнинг салбий оқибатлари, халқаро мусобақаларда допинг проба олиниш тартиби ва қоидалари ҳақида гапириб берди. Мутахассис ушбу мавзуда ўзи тайёрлаган тақдимот билан чиқиш қилди. 

Семинар давомида мураббий ва спортчилар ўзларини қизиқтирган саволларга жавоб олишди.

Ўзбекистон самбо ассоциацияси матбуот хизмати