04 ноя 06:32
Янгиликлар

Самбо

Самбочиларимиз Жаҳон чемпионатига жўнаб кетишди

Сербия давлатининг Нови-Сад шаҳрида Самбо бўйича катталар, ёшлар, ўсмирлар ва жангавор самбо бўйича жаҳон чемпионати баҳслари бўлиб ўтади.

Жисмоний тарбия ва спорт вазирининг 2020 йил 27 октябрдаги буйруғига асосан самбо бўйича Ўзбекистон миллий терма жамоаси аъзолари мазкур нуфузли дунё биринчилигида иштирок этиш учун жўнаб кетишди.

Чемпионатда юртимиз шарафини жами 24 нафар спортчиларимиз ҳимоя қилишади. Шунингдек делегация таркибидан 2 нафар мураббий ва 1 нафар делегация раҳбари ўрин олган.

Қайд этиб ўтиш лозимки, Халқаро самбо федерацияси февраль ойидан бошлаб жорий йилги тақвим режадан ўрин олган барча мусобақаларни бекор қилган эди.

Оғир эпидемиологик вазият ва Жаҳон соғлиқни сақлаш ташкилоти тавсиялари туфайли Нови-Саддаги СПEНС арена мезбонлигидаги мусобақалар томошабинларсиз ўтказиладиган бўлди.