Самира Шокирова U-20 Жаҳон кубоги босқичида бронза медалини қўлга киритди

Турнирнинг бугунги куни доирасида сабля йўналишидаги яккалик дастурида иштирок этган Ўзбекистон терма жамоаси аъзоси Самира Шокирова совриндорлар қаторидан жой олди.

Бу ҳақда Ўзбекистон қиличбозлик федерацияси матбуот хизмати хабар берди.

Самира мусобақанинг ярим финалига қадар етиб келган. У финал йўлида бразилиялик Ана Беатрис Фрагага қарши баҳс олиб бориб, 10:15 ҳисобида имкониятни бой бериб қўйган ва ярим финалдаги мағлубият орқали бронза медалига эга чиққан.

Аввалроқ, қиличбозларимиз U-20 Жаҳон кубоги босқичидан кейин катта таркибда Тунис Гран-присида иштирок этиши ҳақида хабар бергандик.