Самсонова Хертогенбосни забт этди

Мусобақа бош соврини дунёнинг 15-ракеткаси бўлиб келган Людмила Самсоновага насиб этди. Россиялик теннис маликаси финал баҳсида WTA рейтингида 228-поғонадан жой олган канадалик Бьянка Андреескуни 4/6, 6/3, 7/5 ҳисобида таслим этди. 

Людмила теннисчиларнинг ўзаро учинчи учрашувига келиб Бьянкани илк бор мағлубиятга учрата олди - 1:2. Икки соату 28 дақиқа давом этган баҳсда Самсонова 2, Андрееску 4 та эйс зарбасини амалга оширган. Қўшхатолар ва брейклар бир хил кўринишда чемпион фойдасига бўлди - 5 га 4. 

Нидерландиядаги бир ҳафталик меҳнат Самсоновага 250 рейтинг очкоси ҳамда 30,650 евро мукофот пули келтирди. Россиялик 25 ёшли теннисчи фаолиятидаги бешинчи совринини қўлга киритди.