07 сен 13:48
Янгиликлар
Теннис
US Open. Аёллар ўртасидаги жуфтлик турнирида чемпионлар маълум + ФОТО
Теннис бўйича "Катта Дубулға" туркумига кирувчи АҚШ Очиқ чемпионатининг аёллар ўртасидаги жуфтлик баҳсларида чемпионлар аниқланди.
Украиналик Людмила Киченок ва латвиялик Елена Остапенко US Open бош совринини қўлга киритишди. Улар ҳал қилувчи финал учрашувида франциялик Кристин Младенович ва хитойлик Чжан Шуай жуфтлигини 6/4, 6/3 ҳисобида таслим этиб, US Open чемпионига айланишди.
Тўқсон дақиқа давом этган баҳсда ҳар иккала жуфтлик 1 тадан эйс зарбасини амалга оширган. Киченок/Остапенко тандеми 4 та брейкка ҳам эришди. Киченок ва Остапенко фаолиятларида илк бор "Катта Дубулға" турнирларининг жуфтлик баҳсларида чемпион бўлишди. Улар 2000 рейтинг очкоси ва 750,000 АҚШ доллари миқдоридаги мукофот пулини қўлга киритишди. Младенович ва Чжан эса 1300 очко ва 375,000 долларга эга бўлди.
Ҳавола :
Фикрлар