Самуэль Это'О 6 ойга футболга четлаштирилди

"Барселона" ва Камерун терма жамоаси собиқ ҳужумчисига 6 ой футбол фаолиятига аралашиши тақиқланди.

Боготада (Колумбия) бўлиб ўтган ёшлар ўртасидаги ЖЧнинг плей-офф босқичида Камерун терма жамоаси Бразилияга қўшимча бўлимларда имкониятни бой берди (1:3). Табиийки, Камерун футбол федерацияси президенти бу натижадан норози эди. ФИФА тартиб-интизом қўмитаси ўйиндан кейин трибунаости йўлагида аниқ нима бўлганини ошкор этмаяпти.

Комиссия баёнотида айтилишича, Самуэль расмийлар томонидан "ҳужумкор хатти-ҳаракатлар ва ҳалол ўйин қоидаларини бузиш" ва "нотўғри хатти-ҳаракатлар"да айбдор деб топилган.

Эслатиб ўтамиз, собиқ футболчи Камерун футбол федерациясини 2021 йилдан буён бошқариб келади. Энди у 6 ой давомида барча ёшдаги терма жамоалар ўйинларига кела олмайди.