12 дек 10:03
Янгиликлар

Теннис

Санжар Файзиев Анталиядаги турнирда чорак финалга чиқди

Хабар берганимиздек, шу кунларда Туркиянинг Анталия шаҳрида теннис бўйича “Фьючерс” туркумига кирувчи турнир бўлиб ўтмоқда.

Мукофот жамғармаси 15 000 АҚШ долларани ташкил қилувчи мусобақада мамлакатимизнинг иккинчи рақамли теннисчиси Санжар Файзиевнинг иштирок этаётгани ҳақида хабар берган эдик. Яккалик баҳсларида мағлубиятга учраган ҳамюртимиз энди бор эътиборини жуфтликдаги иштирокига қаратмоқда.

Россиялик Александр Боборикин билан биринчи рақамли жуфтликни ҳосил қилган Файзиев илк даврада ғалабага эришди. Санжар ва Александр ҳамкорлиги хитойлик теннисчилар - Чу Канг Вонг ҳамда Минг Юан Янгни 6:3, 6:2 ҳисобида таслим этишди. Энди улар чорак финалда руминиялик теннисчилар - Мариуш Разван ва Владислав Мелникка қарши кортга чиқишади.