20 дек 18:45
Янгиликлар

Теннис

Санжар Файзиев Туркиядаги илк учрашувини ўтказди

Туркиянинг Анталия шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи мусобақада ҳамюртимиз Санжар Файзиев ҳам иштирок этяпти. Теннисчимиз турнирнинг учинчи ракеткаси сифатида сараланган.

Мамлакатимизнинг иккинчи ракеткаси ҳозиргина якунига етган илк давра учрашувида ғалабага эришди. Файзиев саралаш турнири ғолибларидан бири руминиялик Андрей Никулескуни 1 соату 46 дақиқа давом этган баҳс якунида 6:3, 6:7(4), катта тай-брекда 10:4 ҳисобида мағлубиятга учратди.