Санжар Зокиров: "ONE FC менга уч марта чемпионлик жангини таклиф қилди, лекин..."

"ONE FC ташкилоти менга чемпионлик камари учун жанг қилиш имкониятини берди, аммо биз бу таклифни рад этдик. Бунинг иккита асосий сабаби бор эди. Биринчидан, агар чемпионлик камарини қўлга киритсангиз, шартномага кўра, уни уч йил давомида ҳимоя қилишингиз керак бўлади. Бу эса бошқа режаларимизга тўсқинлик қилиши мумкин эди. Қолаверса, таклиф қилинган гонорар ҳам биз кутганимиздек эмасди. Иккинчидан, Ўзбекистондаги ММА мухлислари, асосан UFC'га қизиқишади. Бошқа ташкилотлардаги чемпионликлар халқимиз учун у қадар қизиқ эмасдек, худди эътибордан четда қолгандек туюлади. Шунинг учун ҳам менинг асосий мақсадим ва қизиқишим — UFC. ONE FC менга учинчи марта чемпионлик жанги таклифи билан чиқди. Охирги марта 150 000 АҚШ доллари миқдорида гонорар таклиф қилишганида, бироз ўйланиб ҳам қолдим. Чунки бу яхшигина маблағ эди. Бироқ, мақсадим сари интилишни афзал кўрдим. Ин Ша Аллоҳ, агар мақсадимизга эришсак, бу пуллар ҳали олдинда, деб ўйлайман", дейди Санжар Зокиров.

Маълумот учун, ҳамюртимиз ҳозиргача 14 та жанг ўтказиб, барчасида ғалаба қозонган.