05 фев 08:19
Янгиликлар

Теннис

Санкт-Петербург. Квитова амалдаги чемпионни енгиб, чемпион бўлди!

Россиянинг шимолий пойтахти ҳисобланган Санкт-Петербург шаҳрида хотин-қиз теннисчилар ўртасидаги нуфузли турнир якунланди.

Соврин жамғармаси 733 900 долларни ташкил қилган St. Petersburg Ladies Trophy турнирида чехиялик Петра Квитова бош мукофотни қўлга киритди. У финал учрашувида мусобақанинг амалдаги ғолибаси франциялик Кристина Младеновични таслим этди.

Бир соату 6 дақиқа давом этган финал баҳсида дунёнинг 29-ракеткаси бўлган Квитова рейтингда ўзидан 19 поғонада турган рақибасини 6:1, 6:2 ҳисобида мағлубиятга учратди. Бу муваффақиятли иштирок Петрага 137 125 доллар мукофот пули ҳамда 470 рейтинг очкосини тақдим этди.