Саралаш орқали асосий тўрга чиққан Тимофеева 57-ракеткага муносиб қаршилик кўрсатди

Мамлакатимизнинг учинчи ракеткаси Мария Тимофеева мусобақанинг саралаш баҳсларида муваффақиятли иштирок этиб, асосий тўрга йўлланма олган эди. У саралашнинг 1/2 финалида аргентиналик Мартина Таборда Капуррони 6/4, 6/1, финал баҳсида эса яна бир аргентиналик теннисчи Мария Лурдес Карлни 6/3, 6/3 ҳисобида таслим этганди. 

Бироз аввал якунига етган асосий тўрнинг 1/16 финал босқичида вакиламиз польшалик Магдалена Френхга қарши кортга чиқди. Френх айни пайтда дунёнинг 57-ракеткаси бўлиб турибди. Икки соату 16 дақиқа давом этган учрашувда тажриба ўз сўзини айтди. Магдалена 6/4, 7/6(6) ҳисобида қийинчилик билан ғалаба қозониб, 1/8 финалга йўл олди.   

Таққослаш учун, Тимофеева WTA рейтингида 154-ўринни эгаллаб турибди. Бу теннисчиларнинг ўзаро ўтказган иккинчи учрашуви бўлди. Икки йил аввал Қатарда ўтган илк тўқнашувда польшалик теннисчи уч сет натижасига кўра устун келган эди.