04 июл 09:35
Янгиликлар
Теннис
Саралашда мағлуб бўлган Саидаъло асосий тўрнинг 2-даврасига чиқди
Россиянинг Қозон шаҳрида теннис бўйича “Фьючерс” туркумига кирувчи турнирнинг асосий тўр баҳслари бошланди.
Мусобақанинг саралаш баҳсларида ҳамюртимиз Саидаъло Саидкаримов ҳам иштирок этаётганди. Саралашнинг еттинчи ракеткаси бўлган вакилимиз иккинчи босқичда россиялик Булат Галиевни 6:4, 6:4 ҳисобида мағлуб этди.
Ҳамюртимиз асосий тўрга йўлланма берувчи учрашувда саралашнинг тўққизинчи ракеткаси россиялик Дмитрий Мнушкинга 7:6(4), 6:7(3), 3:6 ҳисобида имкониятни бой берди.
Шунга қарамай, турнир ташкилотчилари теннисчимизга асосий тўрда қатнашиш ҳуқуқини берувчи имтиёзли йўлланма тақдим этишди. Саидъало эса буни оқлади.
У илк даврада гватемалалик Вильфредо Гонсалесни 6:4, 6:4 ҳисобида мағлуб этди. Энди Саидкаримов иккинчи босқичда россиялик Денис Клокка қарши кортга чиқади.
Ҳавола :
Манба : olamsport.com
Фикрлар