30 апр 15:39
Янгиликлар

Бокс/ММА

Сардор Худойбердиев 32 ёшда бўлишига қарамасдан, асосий мақсади UFC'га ўтиш эканини айтди

Ўзбекистонлик аралаш якка кураш устаси, ярим енгил вазн тоифасида Octagon League чемпиони Сардор Худойбердиев Olamsport.com меҳмони бўлди.

У сайтимиз мухбири Сарвиноз Рахмонқулова билан суҳбатда ёши 32 да бўлишига қарамасдан, UFC'га ўтиш учун кеч эмаслигини айтиб ўтди.

"Мақсадим олий. Мен меҳнат қиламан, оғир меҳнат қиламан. UFC'га ҳам чиқамиз. Энг муҳими хоҳиш. Менинг истагим ёшларникидан кучлироқ, тўғриси. Мен ўзим шунга ишоняпман. Қувватим, мотивациям етади Худо хоҳласа. Ҳозирдан ҳис қиляпман UFC'да жанг қила олишимни. Ўзимнинг дивизионимдаги йигитлар билан солиштириб кўрсам, улар ҳам деярли шу 30 ёшдан кейин бориб қўшилишяпти. Ёшлар йўқ. UFC'да жанг қиламиз Худо хоҳласа. Ҳар томонлама кучимиз етади. Энг муҳими меҳнат", дейди Худойбердиев.

Тўлиқ суҳбатни томоша қилишни маслаҳат берамиз: