02 сен 12:50
Янгиликлар

Теннис

Саша Зверев US Open 1/4 финалида

Дунёнинг тўртинчи ракеткаси Александр Зверев Нью-Йорк шаҳрида давом этаётган АҚШ Очиқ чемпионатининг чорак финал иштирокчисига айланди.

Германиялик теннисчи 1/8 финалда ATP рейтингида роппа-роса 50-ўринни эгаллаб турган америкалик Брэндон Накашимани тўрт сет натижасига кўра мағлубиятга учратди - 3/6, 6/1, 6/2, 6/2. Теннисчиларнинг ўзаро учрашувларидаги ҳисоб 3:0 кўринишига келди.

Икки соату 40 дақиқа давом этган баҳсда Зверев 14, Накашима 6 та эйс зарбасини амалга оширган. Қўшхато ва брейклар ҳам мос равишда 3 га 2, 6 га 1 кўринишида германиялик теннисчи фойдасига ҳал бўлди. Зверев қаторасига тўртинчи маробата US Open 1/4 финалига чиқди. Энди у яна бир америкалик теннисчи Тэйлор Фритцга қарши кортга чиқади.