01 май 15:50
Янгиликлар

Бокс/ММА

Сауль Альварес Ар-Риёдда кутилмаган рақибга қарши рингга кўтарилади + ФОТО

Мексикалик афсона Сауль "Канело" Альвареснинг навбатдаги жанги ҳақида маълумот берилди.

Альварес кузда иккинчи ўрта вазн тоифасида WBC чемпионлик камари учун жанг қилади. Унинг рақиби франциялик Кристиан Мбилли бўлади. Бу ҳақда The Ring нашри ҳамда журналист Майк Коппингер ижтимоий тармоқлардаги саҳифаларида хабар бермоқда.

Манбаларга кўра, ушбу жангнинг сентябрь ойида Саудия Арабистонининг Ар-Риёд шаҳрида бўлиб ўтиши режалаштирилган. Альварес учун бу 2025 йил сентябрь ойида мутлақ жаҳон чемпиони мақоми учун жангда Теренс Кроуфордга имкониятни бой берганидан кейинги биринчи жанг бўлади. Мексикалик боксчи ҳисобида 63 ғалаба, 3 мағлубият ва 2 та дуранг бор.

Мбилли эса бўлажак жангга мағлубиятсиз келмоқда: унинг ҳисобида 29 ғалаба ва битта дуранг бор.